滿語/圖書館/論語/陽貨第十七
論語 陽貨第十七
| 1. yang ho, kungdzi be acaki sembime, kungdzi acarakū ojoro jakade, kungdzi de ulgiyan benjibuhe, kungdzi, terei boode akū be nashūlame baniha bume genere de, jugūn de ucaraha. kungdzi -i baru hendume, jio. bi, sini emgi gisureki sefi, hendume, boobai be hefeliyembime, gurun -i cihai facuhūrara be tuwarangge, gosin seci ombio. hendume ojorakū. baita de danara de amuran bime, kemuni nashūn be ufararangge, mergen seci ombio. hendume, ojorakū. inenggi biya dulembikai, se msede ba burakū kai. kungdzi hendume, inu, bi, hafan teki. | 1. 陽貨欲見孔子 孔子不見 歸孔子豚 孔子時其亡也而往拜之 遇諸塗 謂孔子曰 來 予與爾言 曰 懷其寶而迷其邦 可謂仁乎 曰 不可 好從事而亟失時 可謂知乎 曰 不可 日月逝矣 歲不我與 孔子曰 諾 吾將仕矣 | ||
| ............................................................................... | ............................................................................... | ||
| 2. fudzi hendume, banin ishunde hanci. tacin ishunde goro. | 2.子曰 性相近也 習相遠也 | ||
| ............................................................................... | ............................................................................... | ||
| 3. fudzi hendume, damu ten -i mergen, dubei mentuhun ningge gurirakū. | 3. 子曰 唯上知與下愚不移 | ||
| ............................................................................... | ............................................................................... | ||
| 4. fudzi, u ceng hoton de genefi, fithere uculere jilgan be donjifi, fudzi ijarlame hendume, coko wara de ihan -i huwesi ai baita, dzi io jabume, seibeni yan bi, fudzi -i henduhe be donjihangge, ambasa saisa, doro be tacici, niyalma be gosimbi. buya niyalma doro be tacici, takūrabure de ja ombi sere. fudzi hendume, jwue ilan šabisa, yan -i gisun inu kai, jaka gisurehengge, jobodohobi. | 4. 子之武城 聞絃歌之聲 夫子莞爾而笑 曰 割雞焉用牛刀 子游對曰 昔者偃也聞諸夫子曰 君子學道則愛人 小人學道則易使也 子曰 二三子 偃之言是也 前言戲之耳 | ||
| ............................................................................... | ............................................................................... | ||
| 5. gung šan fu žoo, mi -i bade ubašafi, solinjiha de, fudzi geneki serede, dzi lu yabulerakū hendume, genere ba akū oci, nakara dabala, gung šan halangga -i jakade genere ai dalji, fudzi hendume, tere mimbe solinjihangge ainahai untuhun ni. aikabade mimbe baitalarangge bihede, bi, dergi jeo gurun obumbidere. | 5. 公山弗擾以費畔 召 子欲往 子路不說 曰 末之也已 何必公山氏之之也 子曰 夫召我者而豈徒哉 如有用我者 吾其為東周乎 | ||
| ............................................................................... | ............................................................................... | ||
| 6. dzi jang, kungdzi de gosin be fonjire jakade, kungdzi hendume, sunja hacin be abkai fejergi de yabume muteci, gosin ombi. dacilame fonjiha de, hendume, gungnecuke, onco, akdun, kicebe, fulehun, gungnecuke oci, heolederakū ombi. onco oci, geren be bahambi. akdun oci, niyalma akdambi. kicebe oci, gungge mutebumbi. fulehun oci, niyalma be takūraci ombi. | 6. 子張問仁於孔子 孔子曰 能行五者於天下為仁矣 請問之 曰 恭 寬 信 敏 惠 恭則不侮 寬則得眾 信則人任焉 敏則有功 惠則足以使人 | ||
| ............................................................................... | ............................................................................... | ||
| 7. bi hi -i solinjiha de, fudzi geneki serede, dzi lu hendume, seibeni io bi, fudzi -i henduhe be donjihangge beye. ne sain akū be yaburengge oci, ambasa saisa dosinarakū sehe kai. bi hi, jung meo -i bade ubašahabi. fudzi -i geneki serengge, adarame. fudzi hendume, inu, ere gisun bihe, akdun ningge be, nilaha seme nekeliyen ojorakū sehekūn. šeyen ningge be icehe seme yacin ojorakū sehekūn. bi hono hengke inu, adarame lakiyabufi jeterakū ome mutembini. | 7. 佛肸召 子欲往 子路曰 昔者由也聞諸夫子曰 親於其身為不善者 君子不入也 佛肸以中牟畔 子之往也 如之何 子曰 然 有是言也 不曰堅乎 磨而不磷 不曰白乎 涅而不緇 吾豈匏瓜也哉 焉能繫而不食 | ||
| ............................................................................... | ............................................................................... | ||
| 8. fudzi hendume, io si, ninggun gisun -i ninggun dalibun be donjihao. jabume, akū. te, bi sinde alara. gosin de amuran bime, tacire de amuran akū oci, terei dalibun mentuhun ombi. mergen de amuran bime, tacire de amuran akū oci, terei dalibun, cihai ombi. akdun de amuran bime, tacire de amuran akū oci, terei dalibun, ebdere ombi. sijirhūn de amuran bime, tacire de amuran akū oci, terei dalibun, šofoyon ombi. baturun de amuran bime, tacire de amuran akū oci, terei dalibun, facuhūn ombi, ganggan de amuran oci, tacire de amuran akū oci, terei dalibun, balama ombi. | 8. 子曰 由也 女聞六言六蔽矣乎 對曰 未也 居 吾語女 好仁不好學 其蔽也愚 好知不好學 其蔽也蕩 好信不好學 其蔽也賊 好直不好學 其蔽也絞 好勇不好學 其蔽也亂 好剛不好學 其蔽也狂 | ||
| ............................................................................... | ............................................................................... | ||
| 9. fudzi hendume, juse suwe, ainu irgebun -i nomun be tacirakū ni. irgebun -i nomun de, yendeci ombi, cicilaci ombi feniyeleci ombi, gasaci ombi. hanci oci, ama be uilembi. goro oci, ejen be uilembi. gasha gurgu, orho moo -i gebu be ambula sambi. | 9. 子曰 小子何莫學夫詩 詩可以興 可以觀 可以群 可以怨 邇之事父 遠之事君 多識於鳥獸草木之名 | ||
| ............................................................................... | ............................................................................... | ||
| 10. fudzi, be ioi -i baru hendume, si, jeo gung -ni julergi fiyelen, šoo gung -ni julergi fiyelen be tacihabio. niyalma ofi, jeo gung -ni julergi fiyelen be tacirakū oci, tere tob seme fu -i ishun iliha adali kai. | 10. 子謂伯魚曰 女為周南 召南矣乎 人而不為周南 召南 其猶正牆面而立也與 | ||
| ............................................................................... | ............................................................................... | ||
| 11. fudzi hendume, dorolon, dorolon seme henduhengge, gu suje be henduhengge nio. kumun, kumun seme henduhengge, jungken tungken seme henduhengge nio. | 11. 子曰 禮雲禮雲 玉帛云乎哉 樂雲樂雲 鐘鼓云乎哉 | ||
| ............................................................................... | ............................................................................... | ||
| 12. fudzi hendume, cira fafungga bime, doro uhuken ningge, buya niyalma de duibuleci, fu be fondoloro gūldarara hūlhai adali kai. | 12. 子曰 色厲而內荏 譬諸小人 其猶穿窬之盜也與 | ||
| ............................................................................... | ............................................................................... | ||
| 13. fudzi hendume, gašan -i monhon serengge erdemu -i ebdere kai. | 13. 子曰 鄉愿 德之賊也 | ||
| ............................................................................... | ............................................................................... | ||
| 14. fudzi hendume, jugūn de donjifi, giyai de gisurerengge, erdemu -i waliyan kai. | 14.子曰 道聽而塗說 德之棄也 | ||
| ............................................................................... | ............................................................................... | ||
| 15. fudzi hendume, osokon niyalmai emgi ejne be uileci ombio. tere bahara onggolo, bahara de jobombi. baha manggi, ufarara de jobombi. aikabade ufarara de joboci, isinarakū ba akū kai. | 15.子曰 鄙夫可與事君也與哉 其未得之也 患得之 既得之 患失之 苟患失之 無所不至矣 | ||
| ............................................................................... | ............................................................................... | ||
| 16. fudzi hendume, julgei irgen de, ilan nimeku bihe, te uttungge hono akū kai, julgei dabašakū serengge, dabali bihe. te -i dabašaku serengge, cihai, julgei ambaki serengge, haja bihe. te -i ambaki serengge, hatan furu. julgei mentuhun serengge, sijirhūn bihe. te -i mentuhun serengge, holo -i canggi. | 16. 子曰 古者民有三疾 今也或是之亡也 古之狂也肆 今之狂也蕩 古之矜也廉 今之矜也忿戾 古之愚也直 今之愚也詐而已矣 | ||
| ............................................................................... | ............................................................................... | ||
| 17. | 17. 子曰 巧言令色 鮮矣仁 | ............................................................................... | ............................................................................... |
| 18. fudzi hendume, šušu -i fulgiyan be durire be ubiyambi. jeng gurun -i jilgan -i šunggiya kumn be fcuhūrara be ubiyambi, dacun angga -i gurun boo be ungkeburengge be ubiyambi. | 18. 子曰 惡紫之奪朱也 惡鄭聲之亂雅樂也 惡利口之覆邦家者 | ||
| ............................................................................... | ............................................................................... | ||
| 19. fudzi hendume, bi, gisurerakū oki sembi. dzi gung hendume, fudzi, aikabade gisurerakū oci, šabisa aibe wesimbumbini, fudzi hendume, abka aika gisurembiheo. duin erin yabumbikai, eiten jaka banjimbikai, abka aika gisurembiheo. | 19. 子曰 予欲無言 子貢曰 子如不言 則小子何述焉 子曰 天何言哉 四時行焉 百物生焉 天何言哉 | ||
| ............................................................................... | ............................................................................... | ||
| 20. žu bei, kungdzi be acaki serede, kungdzi nimembi seme siltafi, gisun ulara niyalma, uce tucime, šetuhen be gaifi, fithen uculeme donjibuha. | 20. 孺悲欲見孔子 孔子辭以疾 將命者出戶 取瑟而歌 使之聞之 | ||
| ............................................................................... | ............................................................................... | ||
| 21. dzai o fonjime, ilan aniya sinagalarangge, berun oci, uthai goidaha kai. ambasa saisa, ilan aniya dorolon be baitalarakū de, dorolon, urunakū edujembi. ilan aniya kumun be baitalarakū de, kumun, urunakū waliyabumbi. fe jeku wajiha, ice jeku bargiyaha, moo be halaha. barun oci, nakaci ojoro dabala. fudzi hendume, handu buda jetere, gincihiyan etuku eturengge, sinde elheo. hendume, elhe. si elhe seci, uthai yabu. ambasa saisa sinagalara de, icangga be jeci, amtangga akū. kumun be donjici, sebjen akū, tere bisire de, elhe akū ofi, tutt yaburakū kai. te, si elhe seci, uthai yabu, dzai o tucike manggi, fudzi hendume, dzai ioi, gosin akū kai. juse banjifi,ilan aniya oho manggi, teni ama eme -i tunggen ci hokombi. ilan aniyai sinagan serengge, abkai fejergi -i hafu sinagan kai. dzai ioi, inu ilan aniya, ini ama eme de gosibuha ba bidere. | 21. 宰我問 三年之喪 期已久矣 君子三年不為禮 禮必壞 三年不為樂 樂必崩 舊谷既沒 新谷既升 鑽燧改火 期可已矣 子曰 食夫稻 衣夫錦 於女安乎 曰 安 女安則為之 夫君子之居喪 食旨不甘 聞樂不樂 居處不安 故不為也 今女安 則為之 宰我出 子曰 予之不仁也 子生三年 然後免於父母之懷 夫三年之喪 天下之通喪也 予也有三年之愛於其父母乎 | ||
| ............................................................................... | ............................................................................... | ||
| 22. fudzi hendume, inenggidari ebitele jeme, mujilen be baitalara ba akū oci, mangga kai. jurjun, tonio efirengge akūn. hono tereci yebe dere. | 22. 子曰 飽食終日 無所用心 難矣哉 不有博弈者乎 為之猶賢乎已 | ||
| ............................................................................... | ............................................................................... | ||
| 23. fudzi hendume, ambasa saisa, baturu be wesihulembio. fudzi hendume, ambasa saisa, baturu be wesihulembio. fudzi hendume, ambasa saisa, jurgan be wesihun obumbi. ambasa saisa baturu gojime, jurgan akū oci, facuhūn ombi. buya niyalma, baturu gojime, jurgan akū oci, hūlha ombi. | 23. 子路曰 君子尚勇乎 子曰 君子義以為上 君子有勇而無義為亂 小人有勇而無義為盜 | ||
| ............................................................................... | ............................................................................... |